Мара Бунева во февруари во Скопје, а по неа и Ванчо Михајлов

Останати вести

На восочната фигура Ченто е претставен во затвор, дедо Иљо Малешевски носи традиционална малешевска носија. Мисирков и Груев се седнати, Христо Узунов е во поза пред да изврши самоубиство, пишувајќи проштално писмо

Восочната фигура на Мара Бунева ќе стигне во Скопје до петти февруари. Музејот во Киев веќе и ја изработил главата. Сега се прави телото. Гоце Делчев се доработува. Се леат фигурите на Страхил Гигов, Лазар Колишевски и Цветко Узунов - Абаз. Христо Матов, Пере Тошев, Кузман Јосифовски - Питу и Лазар Трповски се готови. До почетокот на идниот месец нивните фигури ќе бидат транспортирани од Украина во Скопје.

Со образложение дека ја овековечува историјата, Владата не се откажа од намерата да ги излее во восок и контроверзните личности од минатото на Македонија. Ванчо Михајлов е во групата на фигури што следни ќе се прават. Фигурата на Тодор Александров е примена во Скопје пред дваесетина дена.

Сите тие се дел од 105-те восочни фигури што ќе бидат изложени во музејскиот комплекс „Македонска борба – Музеј на ВМРО и Музеј на жртвите од комунизмот“ што владата го гради од левата страна на Вардар. Музејот треба да биде готов до крајот на годинава. Тогаш се очекува во Скопје да бидат донесени сите фигури што ќе бидат поставени во него.

Задолжена за изработка на фигурите е скопската фирма „Специјална опрема“, во соработка со експерти од Киев. Директорот Јовица Ѓуричиќ вели дека фигурите ќе чинат 1,5 милион евра. Или, секоја фигура просечно по 15.000 евра заедно со костимите и царинските давачки. Според Ѓуричиќ, тоа е многу поевтино од западните држави каде што изработката на една восочна фигура е од 150.000-200.000 евра или од Русија, каде што цената е 150.000 до 300.000 долари за една фигура.

Додека покрај Вардар интензивно се гради, во Киев интензивно се работи. Седум украински уметници во соработка со пет македонски историчари се обидуваат да ги „трефнат“ и физичките, но и психолошките карактеристики на личностите што ги овековечуваат во восок. Заедно со скулпторите, костимографот и членовите на комисијата од Министерството за култура, тимот задолжен за овој проект брои 20 лица.

- Прво се избира фотографија. Некогаш има многу, но во некои случаи, постои само една фотографија. Од таму се определуваат висината, тежината, бојата на коса и на очи. Потоа се прави психолошки профил за да се погоди изразот на лицето. Во првата фаза, се прави главата на фигурата во глина. Потоа се лее во восок. Косата се става влакно по влакно. Очите ги изработува очен протетичар. Кога главата ќе биде целосно готова, почнува изработката на телото (манекенот). Ако комисијата нема забелешки, се носи костимот во Киев и фигурата се облекува. Така готова ја транспортираме до Скопје во посебни сандаци - велат во „Специјална опрема“.

Досега се донесени 40-тина фигури. Методија Андонов - Ченто е претставен во затвор, облечен во затворска облека. Дедо Иљо Малешевски носи традиционална малешевска носија. Крсте Петков Мисирков и Даме Груев се седнати, Панчо Михајлов-Чавдар е клекнат, а Христо Узунов е во поза пред да изврши самоубиство, како и пишува писмо на мајка си. Фигурите се чуваат во посебна просторија, на температура од најмногу 15 Целзиусови степени. Упатените што имале можност да ги видат восочните фигури велат дека според изработката, тие по ништо не заостануваат зад фигурите во познатиот музеј „Мадам Тисо“ во Лондон.

Целта на поставката во Музејот на ВМРО е да се прикаже историјата на Македонската револуционерна организација. Изборот на програмата во двата музеја е на историчарот Зоран Тодоровски, директор на Архивот на Македонија. Дел од историчарите и Сојузот на борците веќе го оспорија изборот на Михајлов и на Бунева, со образложение дека тие го оспорувале македонскиот идентитет и биле поборници за бугарската кауза.

Владата смета дека и негативните личности се дел од историјата и оти и за нив има место во музеите.

Восочните фигури ќе бидат изложени во Музејот во амбиент соодветен на времето во кое дејствувале личностите, според кои се направени и под посебни светла за што ќе се погрижат експерти од Украина.

Во околните земји, Музеј на восочни фигури има во Јагодина, Србија.

Личности што ќе се најдат во Музејот

ГОТОВИ ФИГУРИ: Крсте Петков Мисирков, Ѓорче Петров, Славчо Ковачев, Методија Шаторов, Методија Андонов -Ченто, Јане Сандански, Павел Шатев, Александар Протоѓеров, Борис Сарафов, Арсение Јовков, Даме Груев, Димо Хаџи Димов, Никола Карев, Димитар Влахов, Христо Узунов, Питу Гули, Тодор Александров, Димитар Поп Георгиев - Беровски, Дедо Иљо Малешевски и Димитрија Чуповски. Донесени се и фигурите на Вилијам Гледсон, Васил Чакаларов, Панчо Михајлов - Чавдар и Драган Богдановски.

ИЗРАБОТЕНИ СЕ И ШЕСТТЕ ОСНОВАЧИ НА ВМРО: Петар Поп Арсов, Иван Хаџи Николов, Христо Батанџиев, Андон Димитров и Христо Татарчев.

ГОТОВИ, СЕ ЧЕКА ДА СЕ ДОНЕСАТ ВО СКОПЈЕ: Христо Матов, Пере Тошев, Кузман Јосифовски - Питу и Лазар Трповски.

СЕ ЛЕАТ: Страхил Гигов, Лазар Колишевски и Цветко Узунов - Абаз.

СЛЕДНИ ФИГУРИ ШТО ЌЕ СЕ ПРАВАТ: Никола Парапунов, Панко Брашнаров, Александар Турунџиев, Петар Чаулов, Ванчо Михајлов, Сирма Војвода, Венко Марковски и Петре Пирузе.

ФИГУРИ НА КОРЕКЦИИ: Ѓорѓи Сугаров, Диме Панџуров, Алберт Сониксен (секретар на македонскиот комитет во Њујорк, учесник во чети на ВМРО)

НАПРАВЕНИ САМО ГЛАВИТЕ: Мара Бунева, мис Елен Стон.

Автор: Сунчица Стојановска

Веста е прочитана: 1597 Оценка: 3,13

Оставете коментар

Правила за објавување на коментарите

pero magacinero
malku kako da se izmesani ovde babi i zhabi,stom ovoj muzej se gradi pod rakovodstvo na zoran todorovski jasno e kako bel den,se prasuvam dali moze da bide zaedno makedonci borci koi se borele za svoja drzava za makedonski narod,za makedonska nacija,i negatorite protivnicite na postoenjeto na makedonskiot narod kako vanco,mara,todor,vo red stavetegi nivnite figuri no pod niv napisete ovie se predavnici ubici i negatori na makedonskiot narod,dobro e sto vi teknalo i za bogdanovski kogo mrtvoto telo sakavte od skopskiot aerodrom da go vratite vo evropa.

USA SLAVAT,A NE MRAZAT
Pred godini go posetiv Getizburg kade vo Gragjaqnskata vojna 1861-1865 se odigrala najzestokata bitka vo Amerika megju Jugot i Severot. Spomenici na dvete vojski i na generalite Amerikancite imat podignato i pokraj toa deka Jugot zagubi. Nemat omraza kon sopstvenata istorija, kakop nasite komunjarista koi seat razdor.

spire
Не се секирајте, лесна работа, ќе дојде ден сите ќе се стопат за свеќи.....доста со овија ВМРО-вски глупости....ќе им мине времето..... свести се Македонијо.....

Marko
Devojce, sto sakas da postignes so negativnite konotacii? Dali voopsto razmisluvas za potrebata od muzej ili se podveduvas pod povrsnoto tolkuvanje koe saka da ocrni se, pa duri i toa sto e pozitivno. Muzej treba da ima. I Hitler go ima vo muzei, no ne kako heroj. Toj, kako i Buneva se del od istorijata, iako negativen. Ama toa izgleda toa nisto ne znaci za nepodgotvenata novinarka koja samo nafrla i nema poim sto trese. Za tekstov ke dadam ne 1, tuku 0

читател
Ви благодарам што го објавивте мојот коментар. Ќе го повторам уште еднаш: НАПРЕД БУГАРИ !

...edi koj si Makedonec...
a,kade se petminata strumicki studenti(Topcev,Kosturanov,Jarmov,Belev,Pecev)...Da ne gi zaboravivte,mozebi najgolemiot masakar vo strumica i strumicko po vtorata sv.vojna.....

забеган.
Дали ќе им стават и ленти или цедина??? На кои треба да биде песната,ЗОШТО СИМЕ МАЈКО РОДИЛА.

Комита
Лелеее, абе немој на памет да ви паднало да го ставате Лазо Колишевски гробарот на Македонија !!! Каде се стреланите за ВМРО?! Каде се Велешкиот, Штипскиот, Кумановскиот и други кружоци на ВМРО?! Немојте да ги заборавате! Гробарот Лазо Колишевски ниту на памет да не ви паднало да го ставате!!!

tomo
A Koco Racin, Nikola Jonkov Vapcarov, Jordan Piperkata koj e najopeaniot komita, Krste Crvenkovski - zrtva na komuzmot i edinstven funkcioner posle Cento koj bil proMakedonski?

тото
До почетокот на март фигурата на Владо Црноземски ќе биде транспортирана од Украина во Скопје.

tomo
A kade e Gjorgjija Pulevski , koj isto taka se borel so puska? Ja stavate Sirma Vojvoda koja ne e clen na VMRO , pa stajte go i Gjorgjija!

istoricar
srceto mi igra od radost gledam ima komentari koi sakat da ja doznaat vistinata deka ako odese po mihajlov denes vo maked zivotot ce bese mnogu poubav a ne najsiromasen vo evropa.

Maja
Se soglasuvam so Musso i ke dodadam deka tekstot e uzasen. Ne se potrudila novinarkatam go nafrlila kolku da se rece deka nesto napisala. Loso

sspvp-steve
Za zal ako vo Makedonija se uste ne se znae i se krie vistinata za V.Mihailov i za MPO.Da za negativnite licnosti ima mesto vo istorijata ama da bide prenesena vistinata kako odrodi ,predavnici ,ubici na svojt narod a ne kako herloi za koi MPO gi potiknuva nivnite dela i se gordee so niv avie dragi sonarodnici pomisletese sto se slucuva pred vasite oci.

Македонија
Слава и поклон кон големите од Македонија.Слава и на Мара Бунева која е умрена на денешен ден.Почит кон историјата и фактите.Историјата нека е пишуваат историчарите,а не политичарите...позз до тој што тоа го рекол така треба и да биде.Најдобар потег на Владата до сега.ПС.Кон Големиот В.Михајлов треба да биде и неговата сопруга Менча.Сакаме да е знаеме вистинската наша историја-доволно со лаги.

skopsko
„Музеј на ВМРО и Музеј на жртвите од комунизмот“ Eh bre luge ako se gradi vakov muzej,togas treba barem tri pati pogolem muzej da se izgradi na "Zrtvite na VMROVIZMOT"Treba malku da se zaprasate gospoda vmrOVCI na kogo se podigate spomenici.Tatarcev ima zivi naslednici,pa bi mozele da gi zaprasate za nivnoto nacionalno custvo,dodeka od Mihajlov ima i videozapisi,pa nee loso da se poglednat.Veruvam deka i ostanatite imaat debela bugarska biografija.Treba samo da se pogledne.

b.b
samo kolku za nekoi sto se uste ne im e jasno , NIE SME KAPITALISTICKO OPSESTVO , NO treba da im bide jasno na nekoi sto komentiraat deka drzavata ne e socijalna INSTITUCIJA ,pa sega ne treba ova da se pravi ili ONA .sami biravme , ..

makedonec
15.000 € e prosecna cena za vosocna, a 300.000 moze ama ako skulpturata znae i da razgovara, odgovara na prasanja i se dvizi...

Никола,Ср.
Во историјата на секој народ има контровезни настани и личности, па ниту македонската не е и не може да биде исклучок. Без нивно ставање на увид, историската вистина би била некомплетна, а ако нешто премолчиме не значи дека не се случило. Инаку се согласувам со МУССО, Бунева и Михајлов не се единствените историски личности кои заслужуваат да се етикетираат како контровезни. Зошто Сунчица е убедена дека Колишевски да речеме, е помалку контровезен!?

Musso
Сунчице, едно прашање: Зошто посебно ги издвојуваш Мара Бунева и Ванчо Михаилов (не е МихаЈлов)? И двајцата - како сите во текстот наброени, а има и “пропуштени“ се ДЕЛ ОД МАКЕДОНСКАТА ИСТОРИЈА. Сите тие имаат свој удел во збиоднувањата во и околу Македонија. Каква била нивната улога треба стручно, аргументирано и објемтивно да се истражи и покаже. Временската дистанца е доволно долга за да прижи можност за истпориско “вреднување“ на секој од именуваните, па и на оние кои не бе аименувани, а се дел од маке-историјата.

Tearce
Pologicno bi bilo vo imeto na kompleksot da se dodade i "Muzej na zrtvite od VMRO". Ovde mislam pred se na onie 10.000 makedonci koi nastradaa vo bratoubistvenite presmetki vo prvata polovina na 20-tiot vek.