„Слободен индекс“ бара бесплатно високо образование

Останати вести

„Студенти - независни и силни!“, „Еден свет, една борба - образованието не е на продажба!“, со вакви извици, триесетина студенти што се дел од движењето „Слободен индекс“ вчера го одбележаа Светскиот ден на студентите

Тие пред платото на Универзитетот „Св. Кирил и Методиј“ (УКИМ) го искажаа револтот против комерцијализацијата на високото образование, оти сметаат дека и покрај тоа што плаќаат за студиите, се принудени да молчат за условите во кои се образуваат.

Членовите на Студентскиот парламент на УКИМ не ги поддржаа „Слободен индекс“.

- Речиси и не постои земја во развој во која високото образование е бесплатно, па оттаму барањата на тие студенти се неиздржани. Студентскиот парламент на друг начин бара подобри услови, а тоа е зголемување на државните квоти како и зголемување на бројот на стипендиите - вели Иван Живковски, претседател на СПУКМ.

Тој им понудил на „Слободен индекс“ заедно да делуваат и заедно да ги решаваат студентските проблеми, но како што вели, го одбиле.

Автор: А.П.

Веста е прочитана: 104 Оценка: 2,63

Оставете коментар

Правила за објавување на коментарите

Ivan
Со тоа што низ цела Европа и низ цел свет се одвиваат протести против комерцијализацијата на високото образование, не знам дали барањата на Слободен Индекс можат толку лесно да се наречат како неосновани.

Boris Kaeski
Да нема забуни и некој да не е во заблуда, покрај тоа што не го признаваме легитимитетот на СПУКМ и не би соработувале со нив, би сакал да истакнам дека за ВЧЕРАШНИОТ настан немаше никаква комуникација помеѓу Слободен индекс и квази лидерот на студентите при Уким Живковски. Слободен индекс не соработува со ниту една организаиција, но во Слободен индекс може да членува како активист СЕКОЈ како индивидуалец и ги дели интересите и идеите со Слободен индекс. Во иднина Ве молам да се воздржите од давање недообјаснети цитати!